venres, 8 de decembro de 2017

Carrot Cake

Por fin, despois de moitos intentos buscando unha receita de Carrot Cake (Biscoito de Cenoria) que me gustase, acabo de atopar unha que pode ser a definitiva, aínda que a tarefa non foi fácil. Unhas porque eran demasiado doces, outras demasiado densas, outras demasiado graxentas, etc. Esta, con todo, ten o punto xusto de dozura, de textura e de humidade que o fan sinxelamente delicioso: Carrot Cake.

Está sacado do libro Bake It Simple (Planeta Gastro, 2016), do chef catalán Oriol Balaguer.

De todos os xeitos, tiven que modificar a receita tanto en cantidades como, sobre todo, en tempo de forno, para conseguir un bo resultado.

Carrot Cake

INGREDIENTES:
- 3 ovos
- 120 g de azucre
- 120 g de panela (azucre muscovado)
- 30 g de mel
- 180 g de manteiga
- 200 g de fariña
- 15 g de impulsor (fermento)
- 75 g de abelás en po
- 1 g de sal
- 1,2 g de canela en po (unha culleradiña)
- 1 laranxa (reladura)
- 165 g de cenoria crúa relada
- 105 g de puré de cenoria
- 60 g de cenoria confitada (para decorar)(opcional)

PREPARACIÓN:
1- O primeiro que debemos facer é preparar o puré de cenoria. Para iso pesamos uns 150 g de cenoria, pelámolas, troceámolas e pómolas a cocer en auga ata que estean moi brandas. Unha vez cocidas escorrémolas ben, deixamos que se arrefríen e triturámolas co batedor ata facer un puré fino, sen grumos. Deste puré utilizaremos 105 gramos máis adiante.

2- Pesamos os 180 gramos de manteiga e os derretemos, ben no microondas, ben nun cazo a lume suave. Reservamos.

3- Relamos a cenoria crúa con axuda dun relador fino e reservamos.

4- Trituramos as abelás ata reducilas a un po o máis fino posible. Reservamos.

4- Nun bol mesturamos os ingredientes secos: fariña, abelás pulverizadas, fermento, canela, sal.

5- Nun bol amplo, pomos os azucres (branco, panela e mel) xunto cos ovos, e batemos durante uns minutos ata obter unha mestura esponxosa.

6- Engadimos a manteiga derretida e a reladura de laranxa e mesturamos.

7- Imos incorporando a mestura de fariña e mesturando ata obter unha masa homoxénea.

8- Finalmente engádese o puré de cenoria e a cenoria relada. Vólvese a meclar todo ben, esta vez con axuda dunha espátula, e envórcase no molde tipo cake preparado con manteiga e fariña.

9- Métese en forno xa quente a 170ºC durante 1 hora. A primeira media hora con calor arriba e abaixo, e a segunda media hora con calor só por abaixo. Comprobar cun escarvadentes que está ben cocido antes de sacar do forno.

PUNTUALIZACIÓNS:
- Á hora de montar os ovos co azucre, é conveniente que estes estean a temperatura ambiente, porque así montarán moito mellor.

- Para relar a cenoria, eu utilizo un relador tipo cencerro; e das catro caras, uso a que fai as tiras máis finas.

- Aínda que panela e azucre muscovado (ou mascabado) non son exactmente o mesmo, neste tipo de receitas se puden substituír a unha polo outro e viceversa. Se non se atopan ningunha das dúas opcións, poderíase susituir por azucre moreno, aínda que o resultado non terá nada que ver.

- A cantidade de canela, obviamente vai ao gusto. Ademais se puden utilizar outras especies como cravo, noz moscada, pementa de Xamaica ou outras do noso gusto. Eu, para ser fiel á receita orixinal, utilizo só canela.

- É importante non exceder as 3/4 partes do molde ao botar a masa, posto que esta subirá durante a cocción e poderíase saír do molde.

- Oriol Balaguer recomenda esperar unha hora coa masa xa no molde antes de meter no forno. Eu fíxeno esperando e sen esperar, e non atopei ningunha diferenza.

3 comentarios:

  1. How To Moving House With Family By Help Of Packers And Movers Bangalore
    :- Blog.PLPOnline

    I love all the pictures! I want it all!

    Please visit my Blog! :- Movers and Packers Hyderabad
    Items are so sweet))
    I`m following your blog with a great pleasure )
    Follow back?:- Movers and Packers Bangalore
    Very good post, nice current jacket and flattering! Congratulations.:-Movers and Packers Chennai
    These beautiful sky I LOVE THE LOOK!:- Movers and Packers Delhi

    ResponderEliminar
  2. Ola, son María, da Coruña
    Acabo de coñecer o teu blogue. Gústame moito, sobre todo polas puntualizacións que fas. Penso facer algunhas das túas receitas (sempre con produtos ecolóxicos). Moitas grazas!!

    ResponderEliminar
    Respostas
    1. Ola, María.
      Moitas grazas polo teu comentario. Anímate a facer algunha receita e, para calquera outra puntualización adicional, non dubides en pórte en contacto comigo.
      Un saúdo!! ;)

      Eliminar