Crema de limón
![](https://blogger.googleusercontent.com/img/b/R29vZ2xl/AVvXsEiibm-Esg7BSMs3mWuf86myyA_cedwx6onbGtHX9UPtwZH_aUnio3DXeVt-xCiJsE8RgA4_OndQVi-jv_gGmE2C5_UD4bfnQ9iTaoW8pLZVedj93euaCoQ2d9A6QKjCgWzCL1nP-lweEw/s400/Crema+1.jpg)
A receita está sacada do libro Mis menús de cada día (Ed. Grijalbo), do afamado chef escocés Gordon Ramsay.
![](https://blogger.googleusercontent.com/img/b/R29vZ2xl/AVvXsEjXWpW_A_cuPhwQ9lq_cNEmRYH9P2JQmbZaWXFsUbtUe_dSRsVx7WTBbsumOwp5vL9vpDHqmrSvx-pxvCgDm-8bTlcKFsvNLHhOO5kVXcD82YvJknxKZ1WGyhMKp24oQvbD9v7OltC4iA/s400/Os meus%2Bmen%25C3%25BAs%2Bde%2Bcada%2Bd%25C3%25Ada.jpg)
Crema de limón
INGREDIENTES (para 2 persoas):
- 200 ml. de nata líquida
- 50 g. de azucre
- O zume dun limón
![](https://blogger.googleusercontent.com/img/b/R29vZ2xl/AVvXsEh-VqDUtDsPGZdxSIg7U1pT6HLFI2JTmhyknQ6fcIhsMjsdt9i5aMfE3ZufJu1bY9lAfgWch0q6FZBfm2sxumDaknPoPN1AEt2tc0-e6G0i2aVJCX_98K6776iMzmWiY8c7jwlSn3eARQ/s400/Crema+2.jpg)
PREPARACIÓN:
1- Vértese a nata nun cazo xunto co azucre e lévase a ebulición a lume moi baixo. Remóvese a miúdo para que se disolva ben o azucre.
2- Mentres, esprémese o limón, cóase o zume e se reserva nun vaso. Preparar as dúas copas ou os dous vasos onde se vai a servir a crema.
3- Cando a nata comece a ferver déixase ao lume uns 3 minutos máis removendo constantemente .
4- Ao pasar os 3 minutos retírase o cazo do lume e engádese o zume de limón remexendo sen parar. A crema debería empezar a espesar case de inmediato.
5- Verter nas copas ou vasos onde se vai a servir e deixar arrefriar durante uns minutos.
6- Cando a crema estea a temperatura ambiente tápase con film de cociña e métese na neveira durante unhas horas até o momento de servir.
![](https://blogger.googleusercontent.com/img/b/R29vZ2xl/AVvXsEjaOFUIb1bYgjLV-CTDQlqYZzNxsxRgjgjcAF1hWVAUmH5AviXDrDh17q_dSjO-xru8DRWELQsXNnAHj_rwTgbgiRqxeBFxjz983ouLtprC99Ktyb5j-vNHxjoVG8bdIFaujJH3PZb64A/s400/Crema+4.jpg)
PUNTUALIZACIÓNS:
- Debe quedar unha textura cremosa, sen grumos, parecida á dun iogur cremoso.
- Pódese probar antes de verter nas copas por se necesitase máis cantidade de zume. O seu sabor debe ser doce e ácido ao mesmo tempo.
- Non é necesario botar ningún tipo de espesante como xelatina, agar-agar ou similares. Debe quedar cremosa, non espesa.
- A receita orixinal trae outras cantidades, pero eu adapteina ao bote de 200 ml. de nata líquida, para non ter que deixar o bote de nata aberto na neveira.
- A nata que eu utilizo é de 35% materia graxa. Como non probei a facer esta receita coa nata lixeira, non podo dicir que o resultado vaia a ser o mesmo.
- Gordon Ramsay proponnos acompañar esta crema cunhas linguas de gato ou unhas galletas amendoadas.
![](https://blogger.googleusercontent.com/img/b/R29vZ2xl/AVvXsEibPFOYwFSIjLFdLK1M5KhyYRghKfyjy1RQzYgp_fxLm96k9hfRhSRpDaFdtjhUg8ZmoI7Jfms-1EUMZ9JXUsROS6dmVkL5XlmvS-rhYSAEioa1DR0UH0OLBCsoMpH8ET4lqartflCkNg/s400/Crema+3.jpg)
Este é o tipo de sobremesa que máis me gusta, con moi poucos ingredientes que se poden ter sempre na casa, e que se pode preparar en calquera momento e para calquera ocasión.
Saúde!!
Guau, que pintaza al ver la foto de la cucharada. Me encanta!...cuanto tiempo sin verte!
ResponderEliminarPues anímate a hacerla y me cuentas, vale? Buena pinta y mejor sabor!! ;)
EliminarUn saludo
Manu
Este comentario foi eliminado polo autor.
ResponderEliminar